2023 жылы 16 тамыз күні «Қызылорда облысының мемлекеттік архиві» коммуналдық мемлекеттік мекемесінің «Қармақшы аудандық архиві» филиалының ұйымдастырумен Е-Архив» ақпараттық жүйесіндегі «Әкімшілік функциялары»  тақырыбында семинар өткізілді. Семинарға 8 ауылдық округтен 9 жауапты маман қатысты. (Ақтөбе, Ақжар, Алдашбай ахун, Иіркөл, Жосалы, Қармақшы, Қуаңдария, III Интернационал ауылдық округ мамандары). Семинардың  мақсаты: «Е-Архив» ақпараттық жүйесінде істер номенклатурасы бөлімі, әкімшілік функциялары бойынша және функцияда болған өзгерістер итуралы түсіндіру жұмыстарын жүргізу.

    2023 жылы 17 тамызда «Қызылорда облысының мемлекеттік архиві» коммуналдық мемлекеттік мекемесінің «Сырдария аудандық архиві» филиалында «Сыбайластық індетін жою» атты тақырыпта дөңгелек үстел өткізілді.  Дөңгелек үстелдің мақсаты – мемлекеттің сыбайлас жемқорлыққа қарсы саясатының тиімділігін арттыру және сыбайлас жемқорлыққа қарсы қозғалысқа кез-келген жемқорлықтың туындауына «нөлдік» төзімділік таныту атмосферасын құру жолын қолдану арқылы сыбайлас жемқорлық деңгейін төмендетуді насихаттау. Дөңгелек үстелге аудандық маслихат аппаратының, аудандық білім бөлімінің, аудандық орталықтандырылған кітапханалар жүйесінің, ХҚКО бойынша аудандық бөлімінің және аудандық жастар ресурстық орталығының қызметкерлері қатысты.

       2023  жылдың   14  тамыз  айында   Қазақстан  Республикасы  Білім  беру ісінің  үздігі,  «Арал  ауданының  Құрметті  азаматы»  ұстаз  Алматбай  Жалмахановтың     туғанына   80 жыл   толуына  орай   «Қызылорда  облысының  мемлекеттік  архиві»  КММ –нің  «Арал  аудандық  архиві»  филиалында  «Ұстаз  болу   жүректің  батырлығы»  атты  көрме  ұйымдастырылды. Шараға   «Арал  ауданының  Құрметті  азаматы»,  тарихшы – ұстаз,  өлкетанушы  Ү.Қуатов, «Арал  ауданының  Құрметті  азаматы»,  Қазақстан  Республикасының  Журналистер  Одағының  мүшесі, Ж.Жақып,   «Арал  ауданының  Құрметті  азаматы»,   ақын  Т.Абылаев, «Арал  ауданының  Құрметті  азаматы»,  дәрігер  А.Асанбаев, Жыршы – термеші  Д.Жолымбетов,   

         2023 жылы  9 тамызда  «Қызылорда облысының мемлекеттік архиві» КММ-нің «Қоғамдық-саяси тарихы архиві»  филиалында сақталатын «Атқарушы және өкілетті органдар қызметкерлері» қор коллекциясына «Қызылорда қаласының Құрметті азаматы», «Құрмет» орденінің иегері, философия ғылымының кандидаты Құттықожаев Ибадулла Дүйсенбайұлының  жеке тектік құжаттары қабылданды.  Ибадулла Құттықожаев мәслихат депутаты және «Нұр Отан» партиясы фракциясының жетекшісі ретінде мәслихатқа түрлі жаңашылдық идеялар енгізіп, депутаттардың ауызбіршілігін арттырып, олардың халықпен тығыз белсенді байланыса жұмыс жасауына ұйытқы болды.

        Бүгін – «Абай күні».  10 тамыз – ұлт руханиятының темірқазығы, Абай Құнанбайұлының туған күні. Абай – түркі әлемінің ортақ мақтанышы, қазақтың ұлы тұлғасы. Президент Қасым-Жомарт Тоқаев өзінің «Абай және ХХІ ғасырдағы Қазақстан» атты мақаласында: «Ғұлама Абай – қазақ топырағынан шыққан әлемдік деңгейдегі кемеңгер. Ол күллі адамзат баласына ақыл-ойдың жемісін сыйлады», – деп дара перзенттің даналық орнын айқындап көрсеткен еді. Тәуелсіздік тізгіні өз қолымызға тиіп, жыртығымыз бүтінделіп, жамауымыз жаңарып жатқан қазіргі заманда Хакім Абайға, ұлт мәдениетіне құрмет көрсетуді жалғастыра беру біздің перзенттік борышымыз екендігін ұмытпауымыз керек!

Баршаңызды мән-маңызы жоғары, рухани мерекемен шын жүректен құттықтаймыз!