Қалекеев Жұмат Қасымұлы 1969 жылы 10 шілдеде  Шиелі ауданының Телікөл ауылсоветінде дүниеге келген. 1976-1986 жылдары №155 «Ақтоған» орта мектебін бітіреді. 1986 жылы Телікөл совхозында жұмыс істейді. Туған жеріндегі орта мектепті бітірісімен кәсіптік-техникалық училищеде жүргізуші мамандығы бойынша білім алып, 1987 жылы бітіріп шығады. 1987 жылы әскер қатарына шақыртылып, әскери борышын Ауғанстан республикасында өтейді. 1988 жылы 30 қазанда Ж.Қ. Қалекеев басқарған машина өздерінің әскери тапсырмасын орындау барысында дұшмандардың қолынан қаза табады. 1989 жылы 4 сәуірде марқұмның ерен ерлігі үшін «Қызыл жұлдыз» орденімен марапатталады.

Аманжол  Жанпейісов Ильясұлы 1961 жылы 29 қыркүйегінде Қызылорда қаласында дүниеге келген. Мектепті бітірген соң, Алматыдағы №48 қалалық кәсіптік-техникалық училищесінде байланыс - теміржолшы мамандығы бойынша бітіріп шығады. 1981 жылы 4 сәуірде әскер қатарына шақырылады. 1981 жылы маусымда Ауғанстанға жіберіледі. 1982 жылы 30 наурызда шайқас үстінде қаза болды.

Аманқос  Мұстафаев  Амантайұлы 1962 жылы 7 ақпанда Арал ауданы, Сайгундин ауыл советінде дүниеге келген. 1969 жылы сегіз жылдық мектепте оқып, кейін 1977 жылы Арал ауданындағы №199 орта мектепте жалғастырады. 1979 жылы өзінің туған жері Сайгундин  ауыл советінде почташы болып қызмет атқарады. 1980 жылы ауыл әкімшілігінің нұсқауымен Талдықорған облысындағы Зоотехникумға оқуға жіберіледі.

Тұржан Монтаев Сұлтанбекұлы 1962 жылы 8 қарашада Қызылорда қаласында дүниеге келген. Қызылорда қаласындағы №253 орта  мектепті бітірген соң, училищеде оқуын жалғастырады. 1981 жылы сәуірде Қарулы Күштер қатарына шақыртылып, әскери борышын өтеуге  Ауғанстанға  жіберіледі. Көп ұзамай 1982 жылы 8 ақпанда өзінің әскери тапсырмасын орындау үстінде дұшмандардың қоршауында қалып, ерлікпен қаза табады.

Шайхислам Қожахметов Қойшыбайұлы 1965 жылы  7 қазанда Қызылорда қаласында  дүниеге келген. Шайхислам Қожахметов №173 қазақ орта мектебінде білім алады. Аталған мектепті 8 сыныбына дейін оқып, сол жердегі №128 кәсіптік техникумда жүргізуші мамандығы бойынша оқуын жалғастырады. Шайхислам 1983 жылдың күзiнде әскер қатарына  шақыртылады.