Өткенімізді көз алдымызға келтіріп, болашаққа қызмет ететін, ел тарихын байытатын, мемлекетіміздің құнды мұрасын сақтайтын мекеме ол – архив. Қазақстан Республикасы Үкіметінің  2020 жылғы 22 желтоқсандағы қаулысымен  22 желтоқсан архившілер күні болып белгіленді. Осыған орай бүгін Қызылорда облысының мемлекеттік архивінің ұйымдастыруымен  ата-бабаларымыздан қалған құнды деректердің сақталып, кейінгі ұрпаққа мирас болып қалуы үшін аянбай еңбек етіп, бар қажыр-қайратын жұмсаған архив саласының ардагерлерінің қатысуымен «Ұлт тарихын сақтаған маман иелері» тақырыбында кездесу өткізілді. Шараның мақсаты архив саласын дамытуда еңбек еткен архив мамандарының өнегелі өмірін жастарға үлгі ету, еңбек сүйгіштікке тәрбиелеу.

      Архив – тарихи шежіре қоймасы ғана емес, әр ұлттың даму жолын, болмысын, арман-тілегін, ақыл-ойын, даналығы мен даралығын сақтайтын киелі орын. Қызылорда облысының мемлекеттік  архивінің 95 жылдығы және 22 желтоқсан-Архившілер күніне орай Қызылорда облысының мемлекеттік архивінің ұйымдастыруымен архивші мамандығының мәртебесін көтеру, кәсіби біліктілігін арттыру мақсатында облыстық «Үздік архивші» байқауы өткізілді. Байқауға  Қызылорда облысының мемлекеттік архиві және филиалдарынан  11 архивші мамандар қатысты. Шараны  Қызылорда облысының мемлекеттік архивінің басшысы Ж.Абзалиева ашып беріп, қатысушыларға сәттілік тіледі.

       2023 жылы 28 қарашада Қызылорда облысының мемлекеттік архиві мекемелерінің қызметкерлеріне өрт сөндіру ережелері және өрттің алдын алу шаралары бойынша түсіндірме жұмыстары жүргізілді. 2019 жылы 30 шілдеде «Қызылорда облысының мемлекеттік архиві» КММ-нің Байқоңыр қалалық филиалы қызметкерлерінің ұйымдастыруымен Қызылорда облысы ТЖД «ӨС және АҚ ЖҚ» ММ Байқоңыр қаласы №8 өрт сөндіру бөлімі мекемесінде өрт қауіпсіздігі шаралары бойынша құқықтық оқу өткізілді. Мақсаты өрт болу жағдайларының алдын алу, өрт қауіпсіздігі шараларын түсіндіру. Шара барысында Байқоңыр қаласының № 8 өрт сөндіру бөлімінің қарауыл бастығы, азаматтық қорғау капитаны Н.Амандықов өрт қауіпсіздігі, оның алдын алу шаралары жайлы түсіндірме жұмыстарын жүргізді.

        2023 жылы 22 қараша күні «Қызылорда облысының мемлекеттік архиві» коммуналдық мемлекеттік мекемесінің Арал аудандық архиві филиалына 60 жыл толуына орай «Архив-халықтың асыл қазынасы» атты дөңгелек үстел ұйымдастырылды. Шараға Мәдениет қайраткерлері, ақын, сазгер Мұрат Сыдықов, Базар Қостаева, Мәдениет ардагерлері Жақсыбай Төребеков, Ранай Сатаева, ақын жазушылар Толыбай Абылаев, Ерғали Абдулла, өлкетанушы Үргенішбай Қуатов, архив ардагерлері Бекзия Жұбандықова, архив саласының үздігі, өлкетанушы Болатбек Қуатов, Қазақстан Республикасының халық ағарту ісінің үздігі, ауданымыздың Құрметті азаматы Нұралы Оспанов, қылқалам шебері Абай Әбішев , Арал аудандық оқушылар үйінің сахна тілі үйірмесінің жыр құмар жас өрендері , архив қызметкерлері қатысты.

       Бүгін – ұлттық валюта күні. Төл теңгемізге 30 жыл толуда. 1993 жылы 15 қарашада еліміздің ұлттық валютасы - теңге айналымға енгізілді, бұл Қазақстанға нарықтық экономика құрып, оны дамытуға мүмкіндік берді.  Осыған орай 2023 жылғы 15 мамырда Қызылорда облысының мемлекеттік архивінде «Жас архивистер және тарихшылар» клубының ұйымдастыруымен «Теңге – тәуелсіз Қазақстанның белгісі» тақырыбында дөңгелек үстел өткізілді. Дөңгелек үстелдің мақсаты тәуелсіз еліміздің ең бірінші айрықша белгісі теңге, ақша айналымы тарихынан мағлұмат беру, теңгеміздің қасиетін ұғындыру, елін, жерін сүюге тәрбиелеу.