2024 жылғы 9 қазанда  Қызылорда облыстық мемлекеттік архивінің ұйымдастыруымен «Құжаттардың сақталуын қамтамасыз ету», «Е-Архив» ақпараттық жүйесінде құжаттарды жинақтау» тақырыбында облыс департамент мамандарына семинар өткізілді. Семинарға 17 мекемеден 24 қызметкер қатысты. Семинарды Қызылорда облыстық мемлекеттік архивінің басшысы Ж.Абзалиева архив ісінің маңызын айта отырып, семинардың маңыздылығына тоқталды. Семинарда басшының орынбасары Ж.Алтынбаева, «Қоғамдық саяси тарихи архиві» филиалының басшысы Д.Құттықожаева, «Қызылорда қалалық архиві» филиалының басшысы А.Алпысбаева және архив қызметкерлері баяндама оқыды.

2024 жылы 27 қыркүйекте Қызылорда облыстық мемлекеттік архивінің ұйымдастыруымен «Сот әкімшілігі»департаменті қызметкерлеріне «Ұлттық архив қорының құжаттарын сақтау, сараптау өңдеу, есепке алу, «Е-Архив» ақпараттық жүйесімен жұмысты ұйымдастыру» тақырыбында семинар өткізілді. Семинарға 19 мекемеден 23 қызметкер қатысты. Семинарды Қызылорда облыстық мемлекеттік архивінің басшысы Ж.Абзалиева «Архив ісінің маңызы туралы» ашып беріп, архив басшының орынбасары Ж.Алтынбаева құжаттама жасау тәртібіне тоқталды.

2024 жылғы 20 қыркүйекте Қазақстан Республикасы Мәдениет және спорт министрлігінің 2022 жылғы 4-тармағына және 2022 жылғы 5 қыркүйекте бекітілген «Архив және болашақ ұрпақ» жобасының тұжырымдамасына сәйкес Қызылорда облысының мемлекеттік архивінде жалпы орта мектеп оқушылары және орта оқу орнының студенттеріне «Архив және болашақ ұрпақ» атты ашық есік күні өткізілді.

Абай Құнанбайұлы - ұлы ақын, қоғам қайраткері, ағартушы, аудармашы, философ, ойшыл-ғұлама, қазақтың жаңа әдебиетінің негізін қалаушы. Ол - тарихта өшпес із қалдырған дара да, дана тұлға. Ұлы ақынның шығармалары бүгінгі күнде де өз құндылығы мен өзектілігін жоғалтқан жоқ. Оларды біз қашанда рухани қазына ете аламыз. Осыған орай, Қызылорда облыстық мемлекеттік архиві қызметкерлерінің арасында «Асыл сөзді іздесең, Абайды оқы, ерінбе» атты Ұлы Абай өлеңдерінен мәнерлеп оқудан сайыс ұйымдастырылды. Мақсаты қызметкерлер арасында ұлы ойшылдың тұлғасы мен мұрасын ұлықтау, классикалық қазақ әдебиетін оқуға деген қызығушылықтарын арттыру,

2024 жылы 31 шілдеде Қызылорда қалалық архивтің ұйымдастыруымен «Ұлттық архив қорының құжаттарын сақтау, сараптау, өңдеу, есепке алу жұмыстарын жүргізуді ұйымдастыру», «Е-Архив» ақпараттық жүйесімен жұмысты ұйымдастыру» тақырыбында қалалық бөлімдерге семинар өткізілді. Семинарға 8 мекемеден 10 қызметкер қатысты. Семинарды «Қызылорда қалалық архиві» филиалының басшысы Ж.Байғараева ашып, семинардың маңыздылығына тоқтады. Семинар барысында ведомстволық архивте құжаттардың қалыптасуы, істер номенклатурасын құрастыру, құжаттардың құндылығына сараптама жүргізу және «Е-архив» ақпараттық жүйесімен жұмыс жасау тақырыптары туралы архив қызметкерлері баяндама оқып, мамандарды толғандырып жүрген сұрақтар жан-жақты талқыланды. Семинар соңында құжаттардың түптеп тігілуі тәжірибие жүзінде көрсетілді.