2025 жылы 13 наурызда Қызылорда облыстық мемлекеттік архивінің ұйымдастыруымен Қармақшы ауданының Руханият орталығы ғимаратының мәжіліс залында семинар өтті. Семинарды облыстық архив басшысы Ж.Абзалиева ашып, аудандық архив филиалының басшысы Г.Іздібаева архив саласының маңыздылығына тоқталды. Облыстық қызметкерлері «Басқару» модулі бойынша СТК-ның құрылуы, оған роль беру, «Е-архив» АЖ-де «Сараптау комиссиясы» модулінде комиссия құру тәртібі, «Толықтыру көзі модуліндегі қадағалау ісін салу, толықтыру көзін тізімнен шығару тәртібі»

тақырыптарында Қармақшы ауданы әкімдігіне қарасты дербес бөлімдер мен ауылдық округтерінің бас мамандарына түсінідірме жұмыстарын жүргізді. Сонымен қатар, «Қармақшы аудандық архиві» филиалының қызметкерлеріне  «Архив қоймасы» модулі бойынша қоймада стеллаждар құру, сөрелерге электрондық құжаттарды орналастыру тәртібі, «Архивтік анықтама» модулі бойынша сұраныстарға жедел жауап беру тәртібі бойынша түсінідірме жұмыстарын жүргізіп, практикалық көмек көрсетті. Қатысушылар тарапынан жаңадан қосылған модульдері бойынша көптеген сұрақтар қойылды, пікір алмасты.