17 наурыз «МӘДЕНИЕТ ЖӘНЕ ҰЛТТЫҚ САЛТ-ДӘСТҮР КҮНІ» Наурыз мейрамы – терең рухани-мәдени мәнге толы, жаңару мен жасампаздықтың бастауына айналған, қоғамның бірлігі мен ұлт ынтымағын нығайтатын ұлттық мереке. Бүгін Қызылорда облыстық мемлекеттік архивінде «Ұлыстың ұлы күні – Наурыз мерекесі және «Мәдениет және ұлттық салт-дәстүр» күніне орай «Наурыз мейрамы – салт-дәстүрлер салтанаты» атты мерекелік шара өткізілді.

Шараның мақсаты қазақ халқының ұлы мерекесі Наурыз мейрамы туралы түсінік беру арқылы қазақ халқының салт-дәстүрін көрсету, ұлттық құндылықтарды жастарға дәріптеу, оны құрметтеуге, ұлтжандылыққа тәрбиелеу. Шараны Қызылорда облыстық мемлекеттік архивінің басшысы Ж.Абзалиева ашып беріп, мерекелік құттықтау лебізін білдірді. Мерекелік шарада  Т.Есетов атындағы №264 мектеп-лицейінің жанындағы қосымша білім беру орталығының «Жас домбырашылар» ансамблінің орындауында ән мен күй тартылып, шашу шашу салтымен жалғасын тапты. Сонымен қатар қазақтың ұлттық ойыны асық ату ойнатылып, ұлттық әдет-ғұрып пен салт-дәстүрден бесікке салу, тұсаукесер рәсімі көрсетіліп, әрқайсысының мән-мағынасы түсіндірілді. Шара соңында «Наурыз мейрамы кезіндегі салт-дәстүр» атты бейнеролик көрсетіліп,  мерекеге қатысушылардың көрісу дәстүрімен қорытындыланып, ізгі тілектер айтылды.