Қазақстан Республикасының Тәуелсіздік күні – халқымыздың тарихи санасын жаңғыртып, ұлттық құндылықтарды ұлықтайтын ерекше мереке. Осы атаулы күнге орай Қызылорда облыстық мемлекеттік архивінде «Тәуелсіздік – ұлт рухының биіктігі» тақырыбында дөңгелек үстел ұйымдастрылды. Шараға қоғам қайраткері, Қызылорда қаласының Құрметті азаматы Сайлаубай Әбішев, «Парасат» орденінің иегері Асылбек Жұмабаев, филология ғылымдарының кандидаты, Желтоқсан оқиғасына қатысушы Гульмира Баялиева, «Өнер» мектебінің оқытушылары мен оқушылары және архив қызметкерлері қатысты.
Шара барысында қонақтар сөз алып, мұндай шаралар тарихымызды сақтап, оны болашақ ұрпаққа жеткізуде маңызды рөл атқарып, ұрпақ сабақтастығын нығайтып, жастарға патриоттық рух беретін бастамалар елдің болашағын жарқын етуге ықпал етеді деп атап өтті. Сонымен қатар, желтоқсана оқиғасына қатысушы Г.Баялиева, жастар мен Желтоқсан қаһармандары арасындағы байланысты нығайтып, тарихымызды ұмытпау мен оны дәріптеудің маңыздылығы туралы айтты. Шара соңында қонақтар архив қоры құжаттарынан дайындалған тарихи-құжаттық көрмемен танысып, «Өнер» мектебінің оқушыларының орындауында күй тамашалады.
