Сыр бойы –еңбек адамының үлгісі іспеттес. Қарапайым еңбектен бақытын тапқан Социалистік Еңбек Ерлері Шырынкүл Қазанбаева, Қасым Бөдеев және Құдайберген Смановтардың өмірі көпке үлгі. Осыған орай 2025 жылы 13 ақпанда Қызылорда облыстық мемлекеттік архивінің қызметкері А.Әлиасқарова Абай атындағы үш тілде оқытатын дарынды балаларға арналған мамандандырылған сыныптары бар мектебінің 7 сыныптарына Социалистік Еңбек Ері Шырынкүл Қазанбаева - 105 жасқа толуына орай «Есімі халық жадында», Еңбегімен еленген Еңбек Ерлері Қасым Бөдеевтің туғанына 125 жыл және Құдайберген Смановтың туғанына 110 жыл толуына орай «Ел ақтаған-Еңбек Ері» тақырыбында сабақ өткізді.
Мақсаты Адал еңбектің туын көтерген Шырынкүл Қазанбаева, Қасым Бөдеев және Құдайберген Смановтардың өмірін көпшілікке таныстыру, жастарды еңбекке баулу. Сабақ барысында оқушыларды Сырдың ақмаржанын еккен ел жүрегіне ақ көңілін қондырған батыр ананың өнегелі өмірі мен еселі еңбегін дәріптейтін және де облыстың экономикалық дамуына үлес қосқан Қасым Бөдеев және Құдайберген Смановтардың өмірі мен еңбек жолындағы жетістіктері туралы мәлімет беріліп, «Бақытын еңбекпен тапқандар» тақырыбында көрмемен таныстырылды.
