2026 жылдың 31 наурызында М. Ықсанов атындағы Қызылорда техникалық-IT жоғары колледжінде  «Қызылорда облыстық мемлекеттік архиві» коммуналдық мемлекеттік мекемесінің «Қоғамдық-саяси тарихы архиві» филиалы және Мұстақым Ықсанов атындағы Қызылорда техникалық-IT жоғары колледжімен бірлесіп ұйымдастырған көрнекті мемлекет және қоғам қайраткері Мұстақым Ықсановтың туғанына 100  жыл толуына орай «Еңбегін ел мүддесіне арнаған»  атты танымдық кездесу өткізілді.  Мемлекет және қоғам қайраткерінің архив қорындағы жеке тектік құжаттарынан жылжымалы көрме, ЖИИ арқылы тұлғаны таныстыру ерекшеліктерімен өткізілді. Кездесу барысында баяндамалар мен үзеңгілес қызмет атқарған қоғам қайраткерлері естеліктер айтып,

колледж ұстаздары мен білім алушылары арнау өлеңдерін оқыды. Мемлекет және қоғам қайраткері Мұстақым Ықсановтың есімін ұлықтау үшін облыс орталығындағы № 9 политехникалық колледжді қайраткердің атымен аталып, шәкірттер тәрбиелеуде. Шара соңында Мұстақым Ықсановтың  ескерткіш-бюстіне гүл шоқтары қойылды. Шараға қатысушылар: Облыстық білім басқармасы, Облыстық білім басқармасы жанындағы ардагерлер кеңесінің ардагерлері қатысты, қоғам қайраткерлері, ардагер ұстаздар, "Қызылорда облыстық мемлекеттік архиві" КММ-і  «Қоғамдық саяси тарихы архиві» филиалы мамандары, колледж педагогтері мен білім алушылары;