Жұмабай Әбілқасымов 1963 жылы 14 маусымда Қызылорда облысы , Сырдария ауданы, 1- Мамыр кеңшарында дүниеге келген. 1970 жылы №11 қазақ орта мекебінің 1-ші сыныбына қабылданып, 1981 жылы мектепті ойдағыдай бітіріп шығады. Мектеп бітірген соң, Сырдария аудандық ДОСААФ көлік мектебінен жүргізуші мамандығын алады. 1982 жылы Кеңес әскері қатарына шақыртылып, Ауғанстан Республикасына интернационалдық борышын өтеуге жіберіледі. 1983 жылы 15 ақпанда арнайы тапсырмамен колонна болып келе жатқанда, кенеттен дұшмандар шабуыл жасап, сол қиян-кескі шайқаста Жұмабай Әбілқасымов ерлікпен қаза болды.
Қаза тапқаннан кейін Ерен ерлігі үшін КСРО Жоғарғы Кеңесінің Жарлығымен «Қызыл жұлдыз» орденімен, Ауған үкіметінің ордендерімен және КСРО Президенті М.С.Горбачевтың мақтау грамотасымен марапатталған. Жауынгер Жұмабайдың құрметіне Тасбөгет кентінен көше атауы берілді.
