Бекболат Сүлейменов Жұмабайұлы 1960 жылы 25 маусымда Арал ауданында дүниеге келген. Туған жеріндегі №177 мектепті бітіргеннен кейін, Арал заводында слесарь болып қызмет атқарады. 1979 жылы сәуірде әскер қатарына шақырылып, әскери борышын пулеметші болып Ауғанстан даласында өтейді. 1981 жылы ерен ерлігі үшін «Қызыл жұлдыз» орденімен марапатталады.
Туған жеріндегі өзінің білі алған №177 орта мектептің төрінде орналасқан интернационалистерге арналған естелік тақтасынан орын алды. Интернационалист жауынгер Б.Ж.Сүлейменовтің ерлік істерін жастарға насихаттау мақсатында аудан көлеміндегі футбол турнирлері өткізіліп отырады.
