Қалекеев Жұмат Қасымұлы 1969 жылы 10 шілдеде  Шиелі ауданының Телікөл ауылсоветінде дүниеге келген. 1976-1986 жылдары №155 «Ақтоған» орта мектебін бітіреді. 1986 жылы Телікөл совхозында жұмыс істейді. Туған жеріндегі орта мектепті бітірісімен кәсіптік-техникалық училищеде жүргізуші мамандығы бойынша білім алып, 1987 жылы бітіріп шығады. 1987 жылы әскер қатарына шақыртылып, әскери борышын Ауғанстан республикасында өтейді. 1988 жылы 30 қазанда Ж.Қ. Қалекеев басқарған машина өздерінің әскери тапсырмасын орындау барысында дұшмандардың қолынан қаза табады. 1989 жылы 4 сәуірде марқұмның ерен ерлігі үшін «Қызыл жұлдыз» орденімен марапатталады.