2026 жылғы 5 ақпанда Арал қаласындағы Руханият орталығында «Арал аудандық архиві» филиалы Ауған соғысы ардагері Жұмашев Рысқұлдың жеке тектік құжаттарын архив қорына қабылдады. Іс-шара барысында ардагердің өмір жолын, Ауған соғысына қатысқан кезеңін, әскери қызметін және ел алдындағы еңбегін айғақтайтын құжаттар табысталды. Бұл жеке тектік құжаттар – ел тарихындағы маңызды кезеңді сипаттайтын, отансүйгіштік пен ерлікке толы өмір жолын кейінгі ұрпаққа танытатын құнды дереккөздер болып табылады. Аталған шараға кітапхана, Жастар орталығы және музей қызметкерлері қатысып, тарихи мұраны сақтау мен насихаттаудың маңыздылығы жөнінде пікір алмасты.
Мұндай бірлескен жұмыстар жас ұрпаққа патриоттық тәрбие беруде және тарихи сананы қалыптастыруда айрықша рөл атқарады. «Арал аудандық архиві» филиалы алдағы уақытта да ел тарихына қатысты құнды құжаттарды жинақтау, сақтау және көпшілікке насихаттау бағытындағы жұмыстарды жүйелі түрде жалғастыра бермек.
