2022 жылдың 19 қазанында Алматы қаласында Қазақстан Республикасы Президенті архивінің ұйымдастыруымен «Ашық қоғамға – ашық архив» тақырыбында I Халықаралық архивистер Конгресі өз жұмысын бастады. Аталған жиынға Қызылорда облысынының мәдениет және спорт басқармасының «Архив ісін ұйымдастыру және үйлестіру» бөлімінің басшысы Н.Әбілдаева, Қызылорда облысының мемлекеттік архивінің басшысы Ж.Абзалиева және басшының орынбасары Ж.Алтынбаева қатысты.

Конгресс аясында АҚШ, Еуроодақ елдері, Азия мен ТМД мемлекеттерінен келген мамандар бас қосып, тарихи-мәдени мұра мен маңызды құжаттарды сақтаудың өзекті мәселелерін талқылады. Атап айтқанда, архив ісін дамытудың нақты қадамдары қозғалды, архив саласындағы түбегейлі өзгерістер мен жүйелі бағыттар айқындалды, архивті дамытудың инновациялық идеялары ортаға салынды. Ауқымды жиынның басты мақсаты – архив құжаттарының қолжетімділігін қамтамасыз ету. Тарихты сақтаушылардың халықаралық кәсіби қоғамдастығының ортақ іс-қимылы мемлекеттер тарихының жаңа деректермен толығуына, сондай-ақ зерттеушілердің жаңа буынының қалыптасуына мүмкіндік береді.