2023 жылғы 30 наурызда Қызылорда облысының  мемлекеттік архивінің  мәжіліс  залында «Архивтік  анықтамалар  беру, архивтік  құжаттардың көшірмелерін немесе архивтік  үзінділер беру» мемлекеттік қызмет көрсетуді  жетілдіру және жақсарту жолдары»  тақырыбында  дөңгелек  үстел өткізілді. Шараның  мақсаты Архивтік анықтамалар, архивтік құжаттардың көшірмелерін немесе архивтік үзінділер беру мемлекеттік көрсетілетін қызмет сапасын арттыру, мемлекеттік қызметті алудың тиімді жолдарын түсіндіру.

Дөңгелек үстелге Халыққа қызмет көрсету орталығының Қызылорда қалалық  филиалының, бірыңғай байланыс орталығының мамандары, мемлекеттік қызмет алушы жеке тұлғалар және архив  қызметкерлері  қатысты. Шараны Қызылорда облысының мемлекеттік архиві басшысының орынбасары Ж.Алтынбаева ашып, мемлекеттік қызмет көрсетудің маңыздылығына тоқталды. Өз кезегінде сөз алған облыстық мемлекеттік архивінің архивисті Р.Шалтақбай «Архивтік анықтамалар, архивтік құжаттардың көшірмелерін немесе архивтік үзінділер беру» мемлекеттік қызмет көрсету бойынша  атқарылған жұмыстар туралы айтты. Халыққа қызмет көрсету орталығының Қызылорда қалалық №1 бөлімінің бас маманы И.Баимбетова «Egov.kz» порталымен өтініштерді жіберу, электрондық үкімет порталы арқылы алынатын мемлекеттік қызметтерді алу тәртібі туралы, №3 бөлімінің жетекші маманы Л.Тюальбаева  «Е-өтініш» жүйесі бойынша мемлекеттік қызметті көрсетуде қағида талаптарын бұзуға жол бермеу, алдағы уақытта қызметті көрсетудегі кедергі келтіретін мәселелерді шешу жолдарын айтып өтті. Сонымен қатар, Қызылорда қалалық бірыңғай баланыс орталығының бас маманы С.Маденов халыққа мемлекеттік қызмет көрсетуде бірыңғай байланыс орталығының ашылғанын, өтініштерді қабылдау және архивтік анықтамаларды беру мемлекеттік кеңсесі, «Электрондық  Үкімет» веб порталы арқылы жүзеге асатынын, азаматтарға мемлекеттік қызметтерді электронды түрде алудың ыңғайлы жолдарын түсіндірді.Шара соңында мемлекеттік қызмет алушылар архив  қызметкерлеріне уақытылы және сапалы қызметтері үшін алғыстарын білдірді.